Lukluk long NSL gren fainel namel long Hekari United FC na Lae City FC long Mosbi long Februari 4, 2023 long Sir John Guise stediem long Mosbi.

WANPELA strongpela gem i bin kamap namel long Hekari United FC na Lae City FC long gren fainel bilong Nesenel Soka Lig long dispela sisen. Gem bilong ol i kamap long Sir John Guise stediem long Mosbi we i lukim Lae City bin strong na kisim bek taitel olsem ol sempion bilong soka long PNG. Ol i win 5-3 bihain long tupela tim wantaim i bin lok 1-1 long ekstra taim.

WASMAN: Golkipa bilong Lae City, Ronald Warisan i pasim namba tri kik bilong Hekari we i lukim ol i lusim gem 5-3. POTO: Andrew Molen/ Wantok.

BIHAINIM EM: Eliude Fugre bilong Lae City i tanim hariap na ran bihainim Kolu Kepo bilong Hekari long gem gren fainel gem bilong ol. POTO: Andrew Molen/ Wantok.

SALIM I GO: Lae City beks, Alwin Komolong i no westim taim long salim bal i go long wanpilai bilong em. POTO: Andrew Molen/ Wantok.

SANAP BAKSAIT: Jonathan Allen bilong Lae City no givim spes long Kolu Kepo bilong Hekari long kisim bal. POTO: Andrew Molen/ Wantok.

SPIT TUMAS: Kepten na beks bilong Hekari United (lephan) i ran spit tumas na wanpela su bilong em i kamaut taim em i resis long bal wantaim Mathew David bilong Lae City. POTO: Andrew Molen/ Wantok.

PAS LONG HAN: Ati Kepo bilong Hekari traim long hetim bal i go insait long gol bilong Lae City tasol golkipa, Ronald Warisan i abrusim em na kisim bal. POTO: Andrew Molen/ Wantok.

FLAI TASOL: Freddy Kep bilong Hekari United (lephan) i winim resis long hetim bal agensim Walbo Komuna bilong Lae City. POTO: Andrew Molen/ Wantok.

PAS LONG BROS: Bal i kam daun strong tasol Alwin Komolong bilong Lae City i mekim em i luk isi taim em i pasim long bros bilong em na putim i go daun long graun. POTO: Andrew Molen/ Wantok.

SOIM SAPOT: Ol sapota bilong Hekari United i kamap long strongim tim bilong ol long gren fainel de. POTO: Andrew Molen/ Wantok.

GO ANTAP: Hekari golkipa, Russel Chris i no givim sans long Mathew David bilong Lae City i kisim bal. POTO: Andrew Molen/ Wantok.

PUTIM LONG HET: Bal i kam stret long het bilong Hekari beks, Kolu Kepo na em i no westim taim long salim i go. POTO: Andrew Molen/ Wantok.

PASIM ROT: Walbo Komuna bilong Lae City i traim long abrusim Freddy Kepo bilong Hekari na go kisim bal. POTO: Andrew Molen/ Wantok.